monumenta.ch > Plinius > sectio 179
Word Selection for Searching
Report an Error in this Sectio
Plinius, Naturalis Historia, 17, 179
{XXXV} Dabit consilium et soli natura. in macro, etiamsi vires habebit, recisa intra iugum moretur, ut omnis fetura sub eo exeat. minimum id esse debebit intervallum, ut attingat iugum speretque, non teneat, adeo non recumbat in eo nec delicate se spargat. ita temperetur hic modus, ut crescere etiamnum malit quam parere.